ក្នុងឱកាសឆ្នាំសិក្សា ២០១៤-២០១៥ ឯកឧត្តម ហ៊ុន ម៉ានី ប្រធានសហភាព សហព័ន្ធយុវជនកម្ពុជា បានផ្តល់ជំនួយសម្រាប់ឧបត្ថម្ភកុមារក្រីក្រ តាមរយៈអង្គការផ្ទះបាយកុមារ ក្នុងនោះមានសម្ភារៈសម្រាប់ការសិក្សា និងអាហាររូបត្ថម្ភមួយចំនួនដូចជា៖
- សៀវភៅសរសេរ ២៤០ក្បាល
- ខ្មៅដៃ ១០០ដើម, ប៉ិច ២០០ដើម, ជ័រលុប ១០០ដុំ, ប្រដាប់ខួង ១០០គ្រឿង
- អង្គរ ២៥០គ.ក្រ សម្រាប់បង្រ្គប់អាហារកុមារដល់បំណាច់ឆ្នាំ២០១៤នេះ
- ស្ករស ៥០គ.ក្រ, ប្រេងឆា ២ធុង = ៣៤គ.ក្រ, សាប៊ូ ៥កញ្ចប់ = ២៥គ.ក្រ, មីយើង ១០កេស, ទឹកត្រី ១០យួរ, ទឹកស៊ីអ៊ីវ ១០យួរ។
ជាការពិតណាស់ តាមរយៈប្រធានអង្គការផ្ទះបាយកុមារនេះ លោកបានកត់សំគាល់ឃើញថា ពួកគេប្រឈមមុខទៅនឹង កង្វះអាហារូបត្ថម្ភសំរាប់ទ្រទ្រង់រាងកាយ ព្រោះតែបរិភោគអាហារគ្មានជីវជាតិ ពួកគេពិតជាឃ្លានខ្លាំងណាស់ នៅពេលក្រោកពីដំណេកពេលព្រឹក និងបាននាំគ្នាបរិភោគ ដោយក្ដីរំភើប ។ ក្នុងសកម្មភាពនេះ បច្ចុប្បន្ន លោកង៉ូវ ឈីវ ប្រធានអង្គការផ្ទះបាយកុមារ បានខិតខំស្វះស្វែងរកការជួយឧបត្ថម្ភពី សប្បុរសជននានា ដើម្បីទិញម្ហូបអាហារផ្ដល់ ឱ្យពួកគេបានហូបជាបន្ដបន្ទាប់ ព្រោះថាជា រៀងរាល់ព្រឹកមានកុមារប្រហែលជាងមួយ រយនាក់បានមកទទួលទានអាហារនៅទីនេះ ។ ក្រៅពីទទួលទានអាហារពេលព្រឹក លោកក៏បានផ្ដល់កន្លែងបត់ជើង តូចបត់ ជើងធំ និងងូតទឹកសំអាតខ្លួននៅទីនោះទៀតផង ។ លោកគិតថា ពួកគេទាំងអស់ពិតជាគួរឱ្យ មានការអាណិតអាសូរយ៉ាងខ្លាំង ។
ដោយមើលឃើញនូវភាពលំបាករបស់អង្គការផ្ទះបាយកុមារ និងដើម្បី ចូលរួមចំណែក ក្នុងគោលនយោបាយ សង្គមកិច្ចរបស់រាជរដ្ឋាភិបាលកម្ពុជា ឯកឧត្តម ហ៊ុន ម៉ានី សហភាពសហព័ន្ធយុវជនកម្ពុជា បាននិងកំពុងយកចិត្ត ទុកដាក់ចំពោះកុមារកំព្រា និងកុមារអនាថាគ្មានទីពឹង ដែលកំពុងរស់ នៅក្នុងស្ថានភាពលំបាក ជាពិសេសប្អូនៗ កុមារ បានគិតគូរ និងផ្តល់ជំនួយ ឧបត្ថម្ភជាសម្ភារៈ ជាថវិកាក្តី ដល់អង្គការផ្ទះបាយកុមារ ដើម្បីជួយកុមារ ឮទាំងនោះដែលកំពុងជួបប្រទះបញ្ហាប្រឈមនានា ក្នុងនោះមានកុមារក្រីក្រ កំព្រា គ្មានផ្ទះសម្បែង រើសអេដចាយ សុំទាន ដើម្បីអោយពួកគេបានចូល ហូបអាហារ សំរាក ងូតទឹក លេង អាន រៀន សរសេរ ដើម្បីអោយពួកគេបាន ផ្លាស់ប្តូរជីវិតថ្មី រស់នៅក្នុងសង្គមមួយដែលមានភាពថ្លៃថ្នូរ ក្នុងស្មារតីខ្មែរ តែមួយ អនាគតតែមួយ។
