រហូតមកដល់ពេលនេះយើងឃើញថាមានសារធារណៈជនជាច្រើនរយនាក់បានធ្វើការចុះឈ្មោះចូលរួមព្រឹត្ដិការណ៍នេះកាន់តែច្រើន ដែលរួមមានទាំង សិល្បៈករ សិល្បៈការនី កីឡាករ លោកគ្រូ អ្នកគ្រូ សិស្ស និសិ្សត សមាជិកសមាជិកា ស.ស.យ.ក និងបងប្អូនសាធារណៈជនទូទៅផងដែរ។
ព្រឹត្ដិការណ៍ ៤០គីឡូម៉ែត្រទៅកាន់ប្រវត្ដិសាស្រ្ដ គឺជាព្រឹត្ដិការណ៍ដែលរៀបចំឡើងដោយសហភាពសហព័ន្ធយុវជនកម្ពុជា ដែលមានគោលបំណងផ្ដល់ជាវេទិកាដល់យុវជនឲ្យចេះរួបរួមគ្នាក្នុងគ្រាលំបាក និងគ្រាសុខសាន្ដ ស្វែងយល់ពីកម្រិតសមត្ថភាពរបស់ខ្លួន ក៏ដូចជាកម្រិតនៃការតស៊ូ ភាពអត់ធ្មត់ និងសមត្ថភាពដោះស្រាយបញ្ហាជាក់ស្ដែង រួមជាមួយការស្វែងយល់បន្ថែមពីប្រវត្ដិសាស្រ្ដ តាមរយៈការធ្វើដំណើរថ្មើរជើងរួមគ្នានៅលើគន្លងផ្លូវដែលមានចង្ងាយ ៤០គីឡូម៉ែត្រ។
តើអ្នកទាំងអស់គ្នាចង់រួមដំណើរ ឆ្លងកាត់ឧបសគ្គជាមួយអាយដលរបស់អ្នកដែល ឬទេ? ដូច្នេះកុំឲ្យឱកាសដ៏កម្រនេះកន្លងផុតទៅអោយសោះ។
ព្រឹត្តិការណ៍នេះ នឹងត្រូវធ្វើឡើងចាប់ពីថ្ងៃទី២៩ ខែវិច្ឆិកា ដល់ថ្ងៃទី0១ ខែធ្នូ ឆ្នាំ២០១៨ នៅក្នុងបរិវេណ ស្រុកស្នួល ខេត្តក្រចេះ ដែលតាមការគ្រោងទុក សហភាពសហព័ន្ធយុវជនកម្ពុជារំពឹងថានឹងមានការចូលរួមពីសំណាក់យុវជន និងមហាជនចំនួនប្រមាណ ៥០០នាក់។
ទទួលចុះឈ្មោះជារៀងរាល់ថ្ងៃ ដែលលោកអ្នកអាចធ្វើការទាញយក ពាក្យសុំចូលរួម និងលក្ខន្ដិកៈផ្សេងៗ តាមរយៈតំណនេះ www.bit.ly/2OsgjHW ឬធ្វើការទំនាក់ទំនងមកកាន់ សហភាពសហព័ន្ធយុវជនកម្ពុជា ស្នាក់ការកណ្តាល ដែលមានអាស័យដ្ឋាននៅផ្ទះលេខ ២៤ ផ្លូវ ២២៨ កែង ៥៥ សង្កាត់ចតុមុខ ខណ្ឌដូនពេញ រាជធានីភ្នំពេញ ឬទូរស័ព្ទលេខ ០១០ ៥៥៥ ៩៨៧ ឬ ០១៥ ២៩៣ ៣៩៩ (សម្រាប់ការចូលរួម និងពាក្យសុំចូលរួម) ឬទៅកាន់ទូរស័ព្ទលេខ ០៩៦ ៩៩៩ ៣៩៣៣ (សម្រាប់ផ្នែកទំនាក់ទំនងសាធារណៈ និងផ្សព្វផ្សាយ) ឬតំណគេហទំព័រ http://www.uyfc.org/40km-into-history/៕
តោះនាំគ្នាចុះឈ្មោះទាំងអស់គ្នា!! នៅចាំដល់ណាទៀត! ស្វែងរកអាយដលរបស់លោកអ្នកតាមរយៈការចូលរួមស្វែងយល់អំពីប្រវត្ដិសាស្រ្ដ និងការទទួលបានបទពិសោធន៍ថ្មី។
