នារសៀលថ្ងៃទី០៤ ខែមីនា ឆ្នាំ២០២១ ឯកឧត្តម ហ៊ុន ម៉ានី ចុះហត្ថលេខា ជាមួយអ្នកឧកញ៉ា សៀ ឬទ្ធី លើអនុស្សរណៈនៃការយោគយល់គ្នារវាងសហភាពសហព័ន្ធយុវជនកម្ពុជា និងក្រុមហ៊ុនវើលប្រ៊ីដគ្រុប (World Bridge Group) ស្តីកិច្ចសហប្រតិបត្តិការលើការបណ្តុះបណ្តាលយុវជន និងការផ្តល់ឱកាសការងារ នៅទីស្នាក់ការកណ្តាលសហភាពសហព័ន្ធយុវជនកម្ពុជា។
read more
នាព្រឹកថ្ងៃទី៦ ខែកុម្ភៈ ឆ្នាំ២០២១ ឯកឧត្តម ហ៊ុន ម៉ានី ប្រធានសហភាពសហព័ន្ធយុវជនកម្ពុជា បានអញ្ជើញជាអធិបតីក្នុងពិធីសម្ពោធអគារទីស្នាក់ការថ្មីរបស់ សហភាពសហព័ន្ធយុវជនកម្ពុជា ខេត្តបាត់ដំបងដែលមានទីតាំងនៅផ្លូវ ពោធិវង្ស ក្រុម៤១ ភូមិព្រែកមហាទេព សង្កាត់ស្វាយប៉ោ ក្រុងបាត់ដំបង ខេត្តបាត់ដំបង។
read more
សេចក្តីប្រកាសព័ត៌មាន
គណៈកម្មាធិការកណ្តាល ស.ស.យ.ក. បន្តឧបត្ថម្ភសម្ភារៈដល់ ស.ស.យ.ក. រាជធានី-ខេត្តទាំង២៥ សម្រាប់ទ្រទ្រង់យុទ្ធនាការបញ្ជ្រាបការយល់ដឹងពីគ្រោះថ្នាក់នៃជំងឺកូវីដ១៩ ដល់ប្រជាពលរដ្ឋ
ខណៈដែលរាជរដ្ឋាភិបាលកម្ពុជានៅតែបន្តយកចិត្តទុកដាក់ខ្ពស់លើការប្រយុទ្ធប្រឆាំងនឹងជំងឺកូវីដ១៩ សហភាពសហព័ន្ធយុវជនកម្ពុជា បាន និងកំពុងចូលរួមចំណែកយ៉ាងសកម្មក្នុងយុទ្ធនាការប្រយុទ្ធប្រឆាំងនឹងជំងឺកូវីដ១៩ តាមរយៈការបន្តអនុវត្តយុទ្ធនាការបញ្ជ្រាបការយល់ដឹងពីគ្រោះថ្នាក់នៃជំងឺកូវីដ១៩ ដល់ប្រជាពលរដ្ឋក្នុងមូលដ្ឋាន ដែលយុទ្ធនាការនេះ ទទួលបានការចូលរួមយ៉ាងផុលផុសពីសមាជិក សមាជិកា និងយុវជនស្ម័គ្រចិត្ត ស.ស.យ.ក. រាជធានី-ខេត្តទាំង ២៥។
read more
សហភាពសហព័ន្ធយុវជនកម្ពុជា មានមោទនភាពនាំមកជូននូវអាល់ប៊ុលចម្រៀងជ្រើសរើសពិសេស ក្រោមការសហការជាមួយផលិតករ និងសិល្បករដ៏មានទេពកោសល្យរបស់កម្ពុជាជាច្រើនរូបនាឆ្នាំកន្លងមក។
អាល់ប៊ុមចម្រៀងជ្រើសរើសដំបូង គឺជា ការដាក់បញ្ចូលគ្នាបទចម្រៀងដែលរៀបរាប់ពីកម្ពុជា និងភាពអស្ចារ្យនៃប្រជាជនកម្ពុជាដែលមានឈ្មោះថា អាល់ប៊ុម “ខែ្មរតែមួយ អនាគតតែមួយ” ។ អាល់ប៊ុមនេះ រួមមានបទចម្រៀងចំនួន១០បទ ដែលនឹងត្រូវដាក់ជូនសម្រាប់ការទាញយកដោយឥតគិតថ្លៃនៅលើគេហទំព័រផ្លូវការរបស់សហភាពសហព័ន្ធយុវជនកម្ពុជា ឬចូលទៅកាន់ Youtube ផ្លូវការរបស់សហភាពសហព័ន្ធយុវជនកម្ពុជា។
ឆ្លៀតក្នុងឱកាសនេះ ស.ស.យ.ក. សូមថ្លែងអំណរគុណយ៉ាងជ្រាលជ្រៅដល់លោកគ្រូ អ្នកគ្រូ សាស្តា្រចារ្យ បងប្អូនអ្នកនិពន្ធបទភ្លេងថ្មី និងទំនុកច្រៀងថ្មី រួមទាំងសិល្បករ សិល្បការិនីចម្រៀងទាំងអស់ដែលបានចូលរួម និងបង្កើតស្នាដៃយ៉ាងអស្ចារ្យ។
សូមរីករាយកម្សាន្តជាមួយបទចម្រៀងទាំង១០បទដូចខាងក្រោម៖
សហភាពសហព័ន្ធយុវជនកម្ពុជា កំពុងរៀបចំការផលិតវីដេអូខ្លីមួយ ដែលបង្ហាញពីការរួមគ្នាជាធ្លុងមួយរបស់មហាគ្រួសារខ្មែរដើម្បីឆ្លងផុតគ្រាលំបាក និងឧបសគ្គនានា ដែលជាឧទាហរណ៍ដូចជាបញ្ហានៃការរីករាលដាលនៃជំងឺកូវីដ១៩ ដែលយើងកំពុងជួបប្រទះជាដើម។
ក្នុងន័យនេះ ស.ស.យ.ក. មានកិត្តិយសសូមអញ្ជើញ ឯកឧត្តម លោកជំទាវ ព្រះតេជគុណ លោក លោកស្រី នាង កញ្ញា និង សាធារណជន ចូលរួមក្នុងការបញ្ជូនសាររួមគ្នា ក្នុងគោលបំណងរួម គឺដើម្បីបង្ហាញពីកម្លាំងសាមគ្គីរបស់ខ្មែរ ក្នុងគ្រាអាសន្នជាជាង ការស្តីបន្ទោស ឬ ឆ្លៀតឱកាសផ្សេងៗ ដោយអនុវត្តងាយៗតាម ការរៀបរាប់ខាងក្រោម៖
សូមឆ្លើយនឹងសំណួរ
“តើគ្រួសារខ្មែរ គួរធ្វើយ៉ាងណាដើម្បីឆ្លងផុតគ្រាលំបាក និងឧបសគ្គនានា?“
(ឧទាហរណ៍៖ ក្នុងកាលៈទេសៈនៃការរីករាលដាលជំងឺកូវីដ១៩)
ព្រះតេជគុណ លោក លោកស្រី អាចឆ្លើយតបនឹងសំណួរខាងលើ ដោយស្ថិតក្នុងរង្វង់ នៃខ្លឹមសារទាំងបីខាងក្រោមគឺ៖
ការរួបរួមគ្នា−Togetherness
ការលើកទឹកចិត្តឲ្យមានការរួបរួម សាមគ្គីគ្នាក្នុងគ្រាលំបាក
ការចេះខ្វល់ខ្វាយពីគ្នា − Care
បង្ហាញពីការយកចិត្តទុកដាក់ ថែរក្សាគ្នានិង ចេះទំនុកបម្រុង ឬការចែករំលែកឲ្យគ្នាទៅវិញទៅមក
រក្សាភាពរឹងមាំ−Stay Strong
ជឿជាក់លើគ្នា ជឿជាក់លើប្រទេសជាតិរបស់ខ្លួន និងជឿថាយើងធ្វើបាន
សូមផ្ញើវីដេអូដែលបានថតរួចមកកាន់ក្រុមការងារតាមរយៈ បណ្តាញទំនាក់ទំនងផ្សេងៗដូចជាTelegram ឬ Whatsapp ជាមួយលេខទូរស័ព្ទ៖
ឬ ផ្ញើទៅកាន់ប្រអប់សារហ្វេសប៊ុក (Facebook Messenger) ផ្លូវការរបស់ សហភាពសហព័ន្ធយុវជនកម្ពុជា
វីដេអូ នីមួយៗនឹងត្រូវបានដាក់បញ្ចូលគ្នា អាស្រ័យតាម ខ្លឹមសារ និងអត្ថន័យដែលប្រទាក់ក្រឡាគ្នា ហើយវីដេអូដែលផលិតបាននឹងត្រូវបានយកទៅធ្វើការផ្សព្វផ្សាយលើបណ្តាញសង្គម ឬស្ថានីយ៍ទូរទស្សន៍ផ្សេងៗដើម្បីជាប្រយោជន៍រួមដល់សង្គមជាតិ និងប្រជាជនកម្ពុជា។
ជាថ្មីម្តងទៀត សូមគោរពអញ្ជើញ ឯកឧត្តម លោកជំទាវ ព្រះតេជគុណ លោក លោកស្រី នាង កញ្ញា និងសាធារណជន ចូលរួមទាំងអស់គ្នាដើម្បីបង្ហាញការយកចិត្តទុកដាក់ ការ ស្រលាញ់ និងសាមគ្គីភាពក្នុងនាមយើងជាខ្មែរតែមួយ។
សូមអរគុណ!
