សហភាពសហព័ន្ធយុវជនកម្ពុជា​ មានមោទនភាពនាំមកជូននូវអាល់ប៊ុល​ចម្រៀង​ជ្រើសរើសពិសេស​ ក្រោមការ​សហការ​ជាមួយ​​ផលិតករ​ និងសិល្បករ​ដ៏មាន​ទេពកោសល្យ​របស់កម្ពុជា​ជាច្រើនរូបនាឆ្នាំកន្លងមក។

អាល់ប៊ុម​ចម្រៀង​ជ្រើស​រើសដំបូង​ គឺជា​ ការដាក់បញ្ចូលគ្នាបទចម្រៀងដែល​រៀបរាប់​ពីកម្ពុជា និងភាពអស្ចារ្យ​នៃប្រជាជន​កម្ពុជាដែលមានឈ្មោះថា អាល់ប៊ុម​​ “ខែ្មរតែមួយ​ អនាគតតែមួយ” ។​​​ អាល់ប៊ុមនេះ រួមមានបទចម្រៀងចំនួន១០​បទ ដែលនឹងត្រូវដាក់ជូនសម្រាប់ការទាញយកដោយឥតគិតថ្លៃនៅលើគេហទំព័រផ្លូវការរបស់សហភាពសហព័ន្ធយុវជនកម្ពុជា​ ឬចូលទៅកាន់ Youtube ផ្លូវការរបស់សហភាពសហព័ន្ធយុវជនកម្ពុជា។

ឆ្លៀតក្នុងឱកាសនេះ​​ ស.ស.យ.ក. ​សូមថ្លែងអំណរគុណយ៉ាងជ្រាលជ្រៅដល់លោកគ្រូ​ អ្នកគ្រូ សាស្តា្រចារ្យ​ បងប្អូនអ្នកនិពន្ធបទភ្លេង​ថ្មី​ និងទំនុកច្រៀងថ្មី​ រួមទាំងសិល្បករ​ សិល្បការិនីចម្រៀងទាំងអស់ដែលបានចូលរួម និងបង្កើតស្នាដៃយ៉ាងអស្ចារ្យ។​

សូមរីករាយកម្សាន្តជាមួយបទចម្រៀងទាំង១០បទដូចខាងក្រោម៖

---

---

---

---

---

---

---

---

---

---

---

សហភាពសហព័ន្ធយុវជនកម្ពុជា កំពុងរៀបចំការផលិតវីដេអូខ្លីមួយ ដែលបង្ហាញពីការរួមគ្នាជាធ្លុងមួយរបស់មហាគ្រួសារខ្មែរដើម្បីឆ្លងផុតគ្រាលំបាក និងឧបសគ្គនានា ដែលជាឧទាហរណ៍ដូចជាបញ្ហានៃការរីករាលដាលនៃជំងឺកូវីដ១៩ ដែលយើងកំពុងជួបប្រទះជាដើម។

ក្នុងន័យនេះ ស.ស.យ.ក. មានកិត្តិយសសូមអញ្ជើញ ឯកឧត្តម លោកជំទាវ ព្រះតេជគុណ លោក លោកស្រី នាង កញ្ញា និង សាធារណជន ចូលរួមក្នុងការបញ្ជូនសាររួមគ្នា   ក្នុងគោលបំណងរួម គឺដើម្បីបង្ហាញពីកម្លាំងសាមគ្គីរបស់ខ្មែរ ក្នុងគ្រាអាសន្នជាជាង ការស្តីបន្ទោស ឬ ឆ្លៀតឱកាសផ្សេងៗ ដោយអនុវត្តងាយៗតាម ការរៀបរាប់ខាងក្រោម៖ 

---

ខ្លឹមសារ

សូមឆ្លើយនឹងសំណួរ

---

“តើគ្រួសារខ្មែរ គួរធ្វើយ៉ាងណាដើម្បីឆ្លងផុតគ្រាលំបាក និងឧបសគ្គនានា?“

---

(ឧទាហរណ៍៖ ក្នុងកាលៈទេសៈនៃការរីករាលដាលជំងឺកូវីដ១៩)

ព្រះតេជគុណ លោក លោកស្រី អាចឆ្លើយតបនឹងសំណួរខាងលើ ដោយស្ថិតក្នុងរង្វង់ នៃខ្លឹមសារទាំងបីខាងក្រោមគឺ៖ 

ការរួបរួមគ្នា−Togetherness

  ការលើកទឹកចិត្តឲ្យមានការរួបរួម សាមគ្គីគ្នាក្នុងគ្រាលំបាក

ការចេះខ្វល់ខ្វាយពីគ្នា − Care

  បង្ហាញពីការយកចិត្តទុកដាក់ ថែរក្សាគ្នានិង ចេះទំនុកបម្រុង​ ឬការចែករំលែកឲ្យគ្នាទៅវិញទៅមក

រក្សាភាពរឹងមាំ−Stay Strong

ជឿជាក់លើគ្នា ជឿជាក់លើប្រទេសជាតិរបស់ខ្លួន និងជឿថាយើងធ្វើបាន

---

ទម្រង់នៃការថត និងការផ្ញើ

---

ព្រឹកនេះ ស.ស.យ.ក. បានចូលរួមក្នុងទិវា ASEM Day ដើម្បីឈ្វេងយល់ពីភាពជាម្ចាស់ផ្ទះរបស់កម្ពុជាក្នុងការរៀបចំកិច្ចប្រជុំកំពូលអាស៊ី-អឺរ៉ុបលើកទី១៣ នៅឆ្នាំ២០២០ ក្រោមអធិបតីភាព ឯកឧត្តម ប្រាក់ សុខុន​ ឧបនាយករដ្ឋមន្ត្រី រដ្ឋមន្រ្តីក្រសួងការបរទេស និងកិច្ចសហប្រតិបត្តិការអន្តរជាតិ ព្រមទាំងវត្តមានឯកឧត្តម លោកជំទាវ លោក លោកស្រី ថ្នាក់ដឹកនាំជាច្រើនរូប រួមជាមួយថ្នាក់ដឹកនាំ សមាជិក សមាជិកា ស.ស.យ.ក.​ និងសិស្ស និស្សិតជាច្រើនរូប។

ក្នុងពិធីបើកទិវានាព្រឹកនេះ ឯកឧត្តមឧបនាយករដ្ឋមន្ត្រី បានមានប្រសាសន៍ថាដោយសង្កត់ធ្ងន់លើយុវជនថា “ក្នុងឆ្នាំនេះ ព្រឹត្តិការណ៍ពាក់ព័ន្ធទាំងអស់របស់ASEM គឺពាក់ព័ន្ធជាពិសេសដល់យុវជន។ យុវជនគឺជាអនាគតរបស់យើង៖ កាលណាយុវជនចាប់បានឱកាសនៃភាពជាដៃគូអាស៊ី-អ៊ឺរ៉ុប នេះកាន់តែឆាប់ នោះពួកគេនឹងបានត្រៀមខ្លួនកាន់តែប្រសើរដើម្បីធានាបាននូវអនាគតដ៏វែងឆ្ងាយរបស់ពួកគេដែលហួសព្រំដែនកម្ពុជាទៅទៀត។”​

ជាងនេះទៅទៀត ឯកឧត្តមបានឲ្យដឹងថា ប្រទេសដៃគូASEM គឺតំណាងឲ្យ ៦៥% នៃសេដ្ឋកិច្ចពិភពលោក ៦០% នៃប្រជាជនពិភពលោក ៥៥%នៃពាណិជ្ជកម្មពិភពលោក និង ៧៥%នៃទេសចរណ៍ពិភពលោក។ ដូច្នេះ កិច្ចប្រជុំកំពូលអាស៊ី-អឺរ៉ុប នេះពិតជាមានសារៈសំខាន់ និងមានវិសាលភាពធំធេងសម្រាប់ទាំងកម្ពុជា ក៏ដូចជាពិភពលោកទាំងមូល។

សូមជម្រាបផងដែរថា ការធ្វើជាម្ចាស់ផ្ទះរៀបចំកិច្ចប្រជុំកំពូលអាស៊ី-អឺរ៉ុបលើកទី១៣នេះ មិនមែនគ្រាន់តែរៀបចំកិច្ចប្រជុំកំពូលជាប្រវត្តិសាស្រ្តនេះតែមួយនោះទេ។ កម្ពុជាក្នុងនាមជាម្ចាស់ផ្ទះ ក៏នឹងរៀបចំព្រឹត្តិការណ៍អមផ្សេងៗជាច្រើន ពេញមួយឆ្នាំតែម្តង។ ព្រឹត្តិការណ៍ទាំងអស់នោះរួមមាន ៨ធំៗ នោះគឺ ១) កិច្ចប្រជុំភាពជាដៃគូសភាអាស៊ី-អឺរ៉ុប ២)វេទិការធុរកិច្ចនិងសេដ្ឋកិច្ចអាស៊ី-អឺរ៉ុប ៣)កិច្ចប្រជុំកំពូលនៃអ្នកដឹកនាំវ័យក្មេងរបស់មូលនិធិអាស៊ី-អឺរ៉ុប ៤)កិច្ចពិភាក្សាតុមូលអ្នកសារព័ត៌មាននៃមូលនិធិអាស៊ី-អឺរ៉ុប ៥)វេទិការការងារអាស៊ី-អឺរ៉ុប ៦)វេទិកាប្រជាជនអាស៊ី-អឺរ៉ុប ៧)មហោស្រពវប្បធម៌អាស៊ី-អឺរ៉ុប និង៨)វេទិការស្តីពីស្រ្តីក្នុងការរក្សាសន្តិភាព និងសន្តិសុខ។

ទិវាវប្បធម៌ជាតិ៣មីនា គឺជាទិវាដែលមានសារៈសំខាន់យ៉ាងខ្លាំង ចំពោះប្រជាជាតិទាំងមូល ធ្វើឡើងដើម្បីជាការនឹក​ទៅដល់គុណូបការៈដូនតាជំនាន់មុន ដែលបានរក្សា និងបន្សល់ទុកនូវកេរមរតក ដ៏មានតម្លៃមិនអាចកាត់ថ្លៃបាន សម្រាប់កូនចៅជំនាន់ក្រោយ។ ទិវានេះធ្វើឡើងក្នុងគោលបំណងក្រើនរំលឹកដល់ប្រជាជនកម្ពុជា ជាពិសេសយុវជនអ្នកបន្តវេនជំនាន់ក្រោយ ឲ្យចូលរួមស្រឡាញ់វប្បធម៌ ទំនៀមទម្លាប់ ប្រពៃណីជាតិ និងបន្តនូវកាតព្វកិច្ចរបស់ខ្លួនក្នុងការថែរក្សា ការពារ ផ្សព្វផ្សាយ លើកស្ទួយ និងអភិរក្សវប្បធម៌ជាតិ និងវប្បធម៌ចម្រុះនៅព្រះរាជាណាចក្រកម្ពុជាឲ្យបាននៅស្ថិតសេ្ថរ ប្រកបដោយនិរន្តរភាព។

សហភាពសហព័ន្ធយុវជនកម្ពុជាមិនដែលភ្លេចឡើយ នូវកាតព្វកិច្ចរបស់ខ្លួន ក្នុងនាមយុវជនកម្ពុជា ដែលតែងតែចូលរួមយ៉ាងសស្រាក់សស្រាំ ក្នុងគ្រប់កម្មវិធីលើកស្ទួយដល់វប្បធម៌ខ្មែរ ដូចជាព្រឹត្តិការណ៍ក្បួនដង្ហែ ឈីងហ្គេ ដែលជួយនាំយកនូវភាពអស្ចារ្យរបស់កម្ពុជា ទៅកាន់ពិភពលោក ធ្វើឲ្យឈ្មោះកម្ពុជាល្បីល្បាញជាថ្នាក់អន្តរជាតិ ហើយអ្វីដែលមិនអាចបំភ្លេចបាន គឺព្រឹត្តិការណ៍អង្គរ សង្រ្កាន្ត ដែលបានដក់ជាប់ក្នុងដួងចិត្តប្រជាពលរដ្ឋកម្ពុជាគ្រប់រូប។

យុវជននៃសហភាពសហព័ន្ធយុវជនកម្ពុជា នឹងនៅតែបន្តអនុវត្ត និងប្តេជ្ញារួមថែរក្សាកេរមរតកវប្បធម៌ប្រពៃណីខ្មែរឲ្យស្ថិតស្ថេរគង់វង្សតរៀងទៅ ហើយរួមចំណែកធ្វើអោយវិស័យវប្បធម៌រឹតតែមានភាពរីកលូតលាស់ទាំងក្នុងប្រទេស និងលើឆាកអន្តរជាតិ។